कार दुर्घटनामा परिन् ‘स्टुडेन्ट अफ द इयर–२’ कि नायिका

पुनित मल्होत्रा निर्देशित चलचित्र ‘स्टुडेन्ट अफ द इयर–२’को सुटिङका लागि मसुरीमा रहेकी बलिउड अभिनेता चंकी पाण्डेकी छोरी अनन्या पाण्डेले चलाएको कार दुर्घटना भएको छ । दुर्घटना सुटिङकै क्रममा भएको बुझिएको छ ।

चलचित्रको एक दृश्यमा अनन्याले कार चलाउनुपर्ने थियो । सुटिङ चलिरहँदा कारको नियन्त्रण अनन्याको हातबाट छुटेर कार एउटा रुखमा ठोक्किएको हो । कार चलाउने क्रममा अनन्याले सेफ्टीगार्ड लगाएको हुनाले उनलाई धेरै गहिरो चोट भने नलागेको बताइएको छ ।

उनी स्टुडेन्ट अफ द इयरको सिक्वेलमा, अनन्या, टाइगर श्राफ र तारा सुतारिया मुख्य भूमिकामा छन् । अनन्या र तारा दुवैको यो डेब्यू चलचित्र हो । चलचित्रको आधाभन्दा धेरै सुटिङ सकिएको बताइएको छ । उक्त चलचित्रमा वरुण धवन र सिद्धार्थ मल्होत्राको क्यामियो रोल हुने बताइएको छ ।