छोरीको फोटो सार्वजनिक गर्दै कपिल शर्माले लेखे, ‘हाम्रो दिलको टुक्रा अनायर शर्मासँग मिल्नुस्’

भारतीय चर्चित कमेडियन तथा अभिनेता कपिल शर्माको छोरीको फोटो सामाजिक सञ्जालमा अहिले निकै भाइरल भइरहेको छ । कपिलले छोरीलाई काखमा बोकेको अवस्थामा देखिएका छन् । फोटोका साथ कपिलले लेखेका छन् ‘हाम्रो दिलको टुक्रा अनायर शर्मासँग मिल्नुस् ।’ फोटो कपिलले मकर संक्रान्तिको अवसर पारेर सार्वजनिक गरेका हुन् । फोटोलाई थुप्रै फ्यानले लाइक तथा कमेन्ट गरेका छन् ।

गत १० डिसेम्बरमा कपिलकी पत्नी गिन्नी चतरथले छोरीको जन्म दिएकी थिइन् । सो समय पनि कपिलले आफ्नो घरमा छोरीको आगमन भएको खुसी सामाजिक सञ्जालमार्फत शेयर गरेका थिए । छोरीको जन्म भएपछि आफ्नो कामबाट १५ दिनको छुट्टी लिएका कपिलले केही दिन अगाडि बरिष्ठ अभिनेता ज्याकी श्राफसँग कफिल शर्मा शोको सुटिङ गरेका थिए । कपिलले गिन्नीसँग २०१८ डिसेम्बर १२ मा विवाह भएको थियो । हिन्दु रिवाजअनुसार दुबैको विवाह गरेका थिए ।