खानहरुलाई उछिन्दै अक्षय कुमारको बलिउडमा येति ठुलो बाजी !

यति बेला बलिउड अभिनेता अक्षय कुमार चर्चाको शिखरमा छन्। एकपछि अर्को हिट फिल्म दिएका अक्षय बलिउडका सबैभन्दा धेरै पारिश्रमिक लिने अभिनेता हुँदै गर्दा उनको चर्चा चुलिएको हो। पछिल्लो समय उनी अभिनित फिल्म ‘गुड न्युज’ले भारतीय बक्स अफिसमा २ सय करोडभन्दा बढीको व्यापार गरेको छ । लगातार हिट फिल्म दिएर उनी निर्देशक तथा निर्माताको पहिलो रोजाई बनेका छन्।

यस्तोमा आनन्द एल रायको आगामी फिल्ममा अक्षयले १ सय २० करोड भारु पारिश्रमिक लिने भएका छन् । १ सय २० करोड पारिश्रमिक लिँदै उनी बलिउडको महंगो अभिनेतामा गनिएका छन् ।

उक्त फिल्ममा अक्षयसँगै अभिनेत्री सारा अलि खानको पनि अभिनय रहने छ । फिल्मको छायांकन यहि वर्ष देखि सुरु हुने बताइएको छ।
त्यसो त गतवर्ष प्रदर्शनमा आएको ‘शुभ मंगल’, ‘हाउसफूल ४’, ‘केशरी’ र ‘गुड न्यूज’ गरि उनका चारवटै फिल्म भारतीय बक्स अफिसमा हिट भएको थियो। त्यसैले निर्माताहरु उनलाई महंगो पारिश्रमिक दिन राजी भएका हुन्।