चलचित्र “ताकतवर” ट्रेलरमा सविन र महिमा…(ट्रेलर हेर्नुहोस्)

नायक सविन श्रेष्ठ र नायिका महिमा सिलवालको अभिनय रहेको फिल्म ताकतवर को एक्सन ट्रेलर सार्वजनिक भएको छ । शनिवार राजधानीमा एक कार्यक्रम बीच फिल्मको ट्रेलर सार्वजनिक गरिएको हो । फिल्ममा नायक सविनलाई एक्सन अवतारमा देख्न सकिन्छ । सविन र अभिनेत्री महिमा सिलवासको प्रेममा आउने उचारचढावमा फिल्म केन्द्रित रहेको ट्रेलरमा देखाईएको छ ।

गजेन्द्र रञ्जितको लेखन तथा निर्देशन रहेको फिल्ममा निर्मात्री आरती शाहीले लगानी गरेका हुन् । फिल्मका सिनोमाटोग्राफर रामेश्वर हुमागाई हुन् । फिल्ममा सविन र महिमाका अलावा स्वर्गीय रामकेशर बोगटी, रिजा भुषाल, ध्रुव कोइराला, शेखर सुवेदीलगायतका कलाकारहरुको अभिनय रहेको छ ।

मित्र डि.गुरुङको सम्पादन रहेको फिल्मको सह निर्मातामा सुनिल विष्ट, बद्री फुयाँल र नारायण कृष्ण महर्जन रहेका छन् । फिल्ममा रामजी लामिछानेको कोरियोग्राफी, सुनिल श्रेष्ठको कथा र चन्द्र पन्तको द्वन्द्व रहेको छ ।