‘बाघी ३’ सँग डराउला ‘म यस्तो गीत गाउँछु २’ ?
हिजोमात्रै बलिउड चलचित्र ‘बाघी ३’को ट्रेलर सार्वजनिक भयो । लामो समयदेखि यस चलचित्रको रिलिज मिति बारे चर्चा चले पनि अफिसियल रिलिज मिति भने पक्का भएको थिएन । ट्रेलर रिलिजसँगै रिलिज मिति पनि पक्का गर्यो, मार्च ६ । नेपाली मिति अनुसार फँगुन २३ ।
यसै मितिमा नेपाली चलचित्र म यस्तो गीत गाउँछु २ पनि रिलिज हुदैँछ । तर, बाघी ३ ले यो मितिलाई रिलिज मिति तय गरेसँगै यस चलचित्रका टिम भने तर्सिएका छन् । चलचित्र नगरीमा म यस्तो गीत गाउँछु २ ले आफ्नो रिलिज मिति सार्न सक्ने हल्ला सुरु भइसकेको छ ।
बाघी सफल सिरिज हो । यस चलचित्रमा टाइगर श्राफको मुख्य भूमिका रहेको छ । यस चलचित्रको क्रेज नेपालमा पनि गज्जब छ । जसको उदाहरण, ट्रेलर रिलिज भएकै दिन ट्रेण्डिङको नम्बर १मा उक्लिनु ।
बाघी चलचित्रको एक्सन पक्षलाई दर्शकले रुचाएका छन् । नेपाली दर्शक उक्त चलचित्र हेर्न कुरिरहेका छन् ।
यता म यस्तो गीत गाउँछु टिम भने अन्योलमा परेको छ । नायक पल शाह र नायिका पूजा शर्मालाई विश्वास गरेर बाघीसँग जुधाउने मनशायमा टिम छैन् । बाघीसँग जुध्नु परे आफ्नो शो र व्यापारलाई पक्कै असर गर्ने कुरा उनीहरुले बुझेका छन् ।
केही दिनमा यस चलचित्रले ट्रेलर सार्वजनिक गर्दैछ । ट्रेलर सार्वजनिक गर्दा नै नयाँ रिलिज मिति तोक्ने वा सोही मितिमा आउँछ भन्ने पत्तो पाउन सकिन्छ ।
धेरै नेपाली चलचित्रहरु विदेशी चलचित्रसँग डराएर भागीरहेको उदाहरणहरु छन् । अब हेर्न बाकीँ छ, म यस्तो गीत गाउँछु २ भाग्छ वा भाग्दैन ?