प्रदीप र पूजालाई एकसाथ देख्न पाउँछन् त दर्शकले ?
नायक प्रदीप खड्का र नायिका पूजा शर्मा अहिलेका जल्दा-बल्दा नायक नायिका हुन् । युवा पुस्तामा उनीहरुले आफ्नो राम्रो स्टारडम बनाएका छन् । यी दुबै कलाकारले चलचित्र ‘प्रेम गीत’बाट आफ्नो स्टारडम बनाएका हुन् ।
चलचित्र रिलिज पूर्व यस जोडीको केमेष्टी निकै गज्जब थियो । दुबैले एक-अर्कालाई निकै माया र प्रशंसा गरिरहेका थिए । मिडियामा अन्तरवार्ता दिदाँ पनि उनीहरुले एक-अर्काको प्रशंसा नै गरिरेहका हुन्थे ।
तर, जब चलचित्र रिलिज भयो, उनीहरुको सम्बन्ध पानी बाराबारको अवस्थामा आइपुग्यो । पूजा निर्देशक सुदर्शन थापासँग टिमअप भइन् भने प्रदीप निर्माता सन्तोष सेनको काखमा आइपुगे ।
त्यस चलचित्र पश्चात् पूजा र प्रदीप एक-अर्काको दुश्मन नै भएका थिए । दर्शकले उनीहरुको जोडीलाई पर्दामा खोजिरहे पनि उनीहरुलाई एकसाथ काम गराउन कोही निर्माता-निर्देशकले आट गर्न सकेका थिएनन् ।
अब भने यी दुईलाई एकसाथ चलचित्रमा देख्न पाइने हल्ला सुरु भएको छ । सौरभ चौधरीको निर्देशनमा बन्न लागेको ‘पर्खी बसें २’मा यी दुईले एकसाथ काम गर्न लागेका हुन् । यी दुबै समक्ष चलचित्रको कुरा पुगिसकेको छ । चलचित्रलाई लिएर दुबै जना सकरात्मक देखिएका छन् ।
चलचित्रको लागि अर्को पनि नायक चाहिएको छ । त्यसको लागि भने निर्माण पक्षले पल शाहलाई रोजेको छ । पल पनि चलचित्रलाई लिएर सकरात्मक देखिएका छन् । यस चलचित्रलाई ‘गोपीकृष्ण मुभिज’ले निर्माण गर्न लागेको हो ।