सौरभले सुशिललाई नम्बर १ बनाइदिने रे !

नायक के भयो भने नम्बर १ बन्छ ? यसको आ-आफ्नो तर्क हुन सक्छ । तर, दशर्कले माया नै गरेनन् भने कसरी उ नम्बर १ बन्छ र ?

रिलिजको तयारीमा रहेको चलचित्र ‘लभ डायरिज’ निर्देशक सौरभ चौधरी भने आफ्नो चलचित्रको नायक सुशिल श्रेष्ठलाई नम्बर १ बनाउने रे । उनले एक पत्रकार भेटघाटमा उक्त कुराको डंका पिटे ।

उनले त्यहाँ भनेका थिए, ‘यदी सुशिलले मैले भनेको जसरी काम गर्ने हो भने उ छिट्टै नै नम्बर १ नायक बन्नेछन् ।’ निर्देशक चौधरीले यस कुरा खोकिरहदाँ सुशिल भने मुस्कुराइ रहे ।

सुशिलले चलचित्र क्षेत्रमा डेब्यु गरेको केही वर्ष बितिसक्यो । डेब्यु चलचित्र ‘होस्टेल रिटर्न्स’बाट नै सुशिलले दर्शकको माया पाएका थिए । तर, त्यसपछिका चलचित्र निरन्तर फ्लप भए । सुशिलले जति नै दुःख गरे पनि चलचित्र क्षेत्रमा सफलता पाउन सकेका छैनन् ।

सुशिल आफू दुःख गरिरहेका छन् । त्यहीँ समय भर्खरै चलचित्र क्षेत्रमा बामे चाल्दै गरेका निर्देशकले नम्बर १ बनाइदिने आश्वासन ठोकिरहदाँ सुशिलले हाँसो थाम्न सकेका थिएन । त्यसैले मुस्कुराई रहे ।

उनले बुझेका छन्, नम्बर १ बन्न कोही निर्देशकले बोल्ने भनाई होइन, राम्रो चलचित्र र मेहनत चाहिन्छ । अनि मात्र दर्शकले उनलाई र उनको कामलाई रुचाउने छन् र बन्नेछन् नम्बर १ ।

डेब्यु चलचित्र रिलिज नहुदैँ निर्देशकमा आएको यो कन्फिडेन्ट कति समय टिक्ने हो हेर्न बाकीँ नै छ । यदि डेब्यु चलचित्रबाट नै असफलता खेप्नु परेको खण्डमा उनको चुरीफुरी पनि त्यहीँ बिर्को लाग्ने छ ।

तर, निर्देशक सौरभ सुशिल माथि पूर्ण भरोसा गरेर चलचित्र तयार गरेका छन् । लभ डायरिजमा चिनिएका अनुहार उनैको हो। तर, सबैले सुशिललाई फ्लप हिरो बनेर चिन्ने गरेका छन् । अब फ्लप हिरोको भरमा चलचित्र चल्ने विश्वासबाट निर्देशक ढुक्क देखिन्छन् ।

निर्देशक ज्यु, अब फ्लप हिरोलाई लिएको चलचित्र सफल बनाएर प्रमाणित गरिदिनुस् कि, म साच्चिकै सुशिललाई नम्बर १ बनाउन सक्छु ।