सोल्टी होटलमा ‘कमेडी च्याम्पियन’ को ग्राण्ड फिनाले !
कमेडी रियालिटी सो कमेडी च्याम्पियनको ग्राण्ड फिनाले सोल्टी होटलमा चैत १ गते हुने भएको छ । कान्तिपुर टेलिभिजनबाट साताको दुई दिन विहीबार र शुक्रबार प्रशारण भइरहेको कमेडी च्याम्पियनको उत्कृष्ट तीनमा पर्ने प्रतिस्पर्धीहरु छानिएपछि ग्राण्ड फिनालेको मिति पनि तोकिएको हो ।
कमेडी च्याम्पियनको उत्कृष्ट तीनमा हिमेश पन्त, सुमन कोइराला र खड्गबहादुर पुन स्थान पक्का गरिसकेका छन् । कमेडी च्याम्पियनको सफलतापछि निर्माण टिमले ‘च्याम्पियन चटके’ नामक कार्यक्रमको पनि निर्माण गर्ने घोषणा गरेको छ ।