सन्दीप लामिछानेले पूरा गरे कीर्तिमानी १ सय विकेट !

नेपाली क्रिकेटर सन्दीप लामिछानेले टी-ट्वान्टी क्रिकेटमा १ सय विकेट पूरा गरेका छन् । थाइल्याण्डमा जारी एसीसी इस्टर्न रिजन पुरुष टी-ट्वान्टी कप क्रिकेटको पहिलो खेलमा मलेसियाविरुद्ध विकेट लिँदै सन्दीपले १०० विकेट पुरा गरेका हुन् ।

यससँगै सन्दीपले टी-ट्वान्टीमा १०० विकेट लिने पहिलो नेपाली खेलाडीको कीर्तिमान बनाएका छन् । सन्दीपले आफ्नो पहिलो ओभरमै २ विकेट लिए ।

सन्दीपले पहिलो ओभरको दोस्रो बलमा भिरनदिप सिंहलाई आउट गरे । अर्को बलमा खिजार हायतलाई आउट गरे । सन्दिपले ने ८ दशमलव ५ ओभरमा अनवर अरुद्धिनलाई आउट गर्दै तेस्रो विकेट लिए । यससँगै सन्दीपले टी-ट्वान्टीमा १ सय २ विकेट लिएका छन्।