सावधान रहनुहोस : नेपालबाट फर्केपछि स्पेनमा कोरोना भाइरसबाट एकको मृत्यु !

स्पेनमा कोरोना भाइरसको संक्रमणबाट एक जनाको मृत्यु भएको छ । उनको गत फेब्रुअरी १३ मा मृत्यु भएको डेलीमेलको समाचारमा उल्लेख छ । मृतकले हालैमात्रै नेपालको भ्रमण गरेका थिए ।

भ्यालेन्सियाका स्वास्थ्य अधिकारीहरुले ती व्यक्तिको मृत्यु कोरोना भाइरस संक्रमणबाट भएको पुष्टी गरेका छन् । नेपाल भ्रमणगरेर फर्केपछि ती व्यक्ति बिरामी भएर अस्पतालमा भर्ना भएका थिए ।

अहिलेसम्म ती व्यक्तिको मृत्यु के कारणले भएको थियो भन्नेबारे खुलाइएको थिएन । यो नै कोरोना संक्रमणबाट स्पेनमा भएको पहिलो मृत्यु भएको जनाइएको छ ।