प्रभाषको जोडी बन्दैछिन् कट्रिना ?

अभिनेता प्रभाषले आफ्नो नयाँ चलचित्रमा जोडी बन्नको लागि बलिउड नायिका कट्रिना कैफलाई रोजेका छन् । निर्माण पक्षले सुनाएको नामबाट उनले कट्रिनाको नाम रोजेका हुन् ।

प्रभाष निर्देशक नाग आश्विनको चलचित्रमा काम गर्दैछन् । यसै चलचित्रमा उनले आफ्नो जोडी कट्रिना होस् भन्ने चाहेका हुन् ।

निर्माण पक्षले कट्रिनासँग चलचित्रको विषयमा कुरा गरेको भने छैन । यदी कट्रिनालाई चलचित्र चित्त बुझेको खण्डमा प्रभाष र कट्रिनाको जोडी स्कृनमा पहिलो पटक देखिने छ ।

‘साहो’ रिलिज पछि प्रभाष आफ्नै होम प्रोडक्सनबाट बनेको चलचित्र ‘जान’को छायांकनमा छन् । यस चलचित्रमा प्रभाषले नायिका पूजा हेग्डेसँग जोडी बाँधेका छन् । यस चलचित्रमा प्रभाषलाई रोमान्टिक अवतारमा प्रस्तुत गरिएको छ ।