हरिहरको प्रेममा छिन् नीता !

केही समय अगाडि एक मिडियामा नायिका नीता ढुंगाना र ज्योतिष तथा अभिनेता हरिहर अधिकारी बीच प्रेम रहेको समचार आएको थियो । तर, गसिप बिक्ने यस क्षेत्रमा उक्त कुरालाई सामान्य रुपमा नै पचाइयो । उक्त कुरामा नीता र हरिहरले पनि कुनै प्रतिकृया दिएनन ।

उनीहरुको प्रेमको हल्ला सेलाउन नपाउँदै नीताले सामाजिक संजालमा एक तस्विर पोष्ट गरिन । जहाँ, हरिहर र उनी एकसाथ देखिन्थे । हरिहर र नीताले खुबै खुसी-खुसी उक्त सेल्फी लिएको देखिन्छ ।

उनीहरुले खिचेको सेल्फी गाडीमा खिचिएको हो । त्यो तस्विर हेर्दा उनीहरु कतै डेटिङको लागि गइरहेको आभाष हुन्छ । जे होस्, यस तस्विरले बाहिर खुलेर नबोले पनि उनीहरु भित्र-भित्रै प्रेममा रहेको प्रष्ट हुन्छ ।

पछिल्लो समय नीताको चलचित्र करिअर पनि खासै सुखद छैन । हरिहरको डेब्यु चलचित्र ‘शुभ लभ’ले बक्स अफिसमा हावा खायो ।

नीता पछिल्लो समय चलचित्र निर्माण गर्ने भन्दै तम्सिएकी थिइन् । तर, लगानीकर्ता नभेटिएपछि उनी थन्किएर बसेकी छिन् । हरिहर पनि पहिलो चलचित्र असफल भएपछि दोस्रो चलचित्र पाउनको लागि भौतारिरहेका छन् ।

दुबै चलचित्रबाट असफल देखिए पनि प्रेम चर्चाले अब केही समय मिडियामा टिक्ने पक्का छ ।