दीपकराज भन्छन्, ‘हामीले सिक्न धेरै बाकीं छ’
भारतिय कलाकारहरुले एकसाथ मिलेर बनाएको भिडियोले अहिले निकै चर्चा पाइरहेको छ । बलिउडदेखि दक्षिण भारतिय चलचित्रका स्टारहरुले एकसाथ बनाएको भिडियोलाई धेरैले रुचाएका छन् । भिडियोमा अमिताभ बच्चनदेखि रणवीर कपुरसम्म र साउथका सुपरस्टार रजनीकान्तदेखि चिरञ्जीवीसम्मको अभिनय रहेको छ ।
यस भिडियोमा कलाकारहरुले कलाकारहरु सबै एक हौँ भन्ने सन्देश दिएका छन् । सोही भिडियोमार्फत् उनीहरुले दैनिक मजदुरी गरेर खाने प्राविधिकहरुलाई एकसाथ सहयोग गर्ने समेत बोलेका छन् ।
यस भिडियोलाई नेपालका सेलिब्रेटीहरुले पनि सेयर गरेका छन् । निर्माता तथा अभिनेता दीपकराज गिरीले पनि यस भिडियो सेयर गरेका छन् । भिडियो सेयर गर्दै उनले भारतबाट धेरै कुरा सिक्न बाकीँ रहेको लेखेका छन् ।
उनले नेपालमा पैसा उठाएर सहोग गर्दा चन्दा किन उठाको, श्रमिकको अपमान भयो, यसले यति दियो, उसले यति मात्रै किन दियो ? भनेर नकारात्मकता नै फैलाएको गुनासो गरेका छन् ।
उनले लेखेका छन्, ‘बलिउडका कलाकारले यो भिंडियोंबाट हामि एउटै परिवार हौँ भन्ने सन्देश कति मिठो तरिकाले दिएका छन् । तर, हामिलाई एक्लै हिरो हुने बानि छ । बास्तवमा धेरै सिक्न बाकीं छ हामीले ।‘