अनमोल र प्रदीप: जसलाई दर्शकले यो वर्ष हेर्न पाएनन

कोरोनाको त्रासका कारण यस वर्ष रिलिज हुने तयारीमा रहेको चलचित्र ‘प्रेम गीत ३’ रिलिज भएन । देश पूर्ण रुपमा लकडाउन भएका कारण पनि चैत २८ मा रिलिज हुने भनिएको चलचित्रले रिलिज हुन पाए ।

त्यसैले यस वर्ष ‘प्रेम गीत’ स्टार प्रदीप खड्काको चलचित्र रिलिज भएन । प्रदीपको लागि यो वर्ष शुन्य भयो । दर्शकको प्रदीपको प्रेम गीत ३लाई निकै प्रतिक्षा गरेका थिए । तर, प्रदीपका फ्यानले यो वर्ष उनलाई पर्दामा हेर्न पाएनन ।

त्यस्तै, अर्का स्टार नायक अनमोल केसीको पनि यस वर्ष कुनै चलचित्र आएन । गत वर्षको अन्तिम साता रिलिज भएको चलचित्र ‘ए मेरो हजुर-३’ पछि उनलाई दर्शकले पर्दामा हेर्न पाएका छैनन् ।

यो वर्ष अनमोल केसीले चलचित्र ‘धुपौरे’मार्फत् दर्शकको आउने तायरीमा थिए । तर, आन्तरिक विवाद पछि अनमोलले चलचित्र छोडे । उक्त चलचित्र बनेन ।

अनमोलले चलचित्र ‘ए मेरो हजुर-४’को छायांकन सकाएका छन् । उक्त चलचित्र दशैंमा रिलिज हुने बताइएको छ ।