पत्रकारलाई पूजाको गाली: ‘हावा पत्रकार त छन्’

नायिका पूजा शर्माले पत्रकारलाई आक्रोश व्यक्त गरेकी छिन् । आफ्नो चलचित्रको गीत करोड क्वलमा पुगेको र समचारमा नलेखेको भन्दै उनले रिस व्यक्त गरेकी हुन् ।

एक साप्ताहिक पत्रिकाले यस वर्ष कुनै पनि चलचित्रका गीतहरुले करोड भ्युज पाएनन् भन्ने आशयमा समचार प्रकाशित गरे । जुन समचारको स्कृनसट गरेर निर्देशक सुदर्शन थापाले आफ्नो चलचित्रको गीतले १ करोड २० लाख भ्युज पाएको लेखेर सामाजिक संजालमा पोष्ट गरे ।

त्यहीँ पोष्टमा पूजाले प्रतिकृया दिदैँ पत्रकारलाई गाली गरेकी हुन् । उनले त्यहाँ लेखेकी छिन्, ‘हावा पत्रकारहरु छ । सुरुमा रिसर्च गर्नुपर्‍यो नि न्युज बनाउन ।’

आफूलाई सफल नायिका भन्दा मख्ख पर्ने पूजा पत्रकारको सानो गल्तीमा गाली गर्न सुरु गर्छिन् । प्रशंसा सजिलै पचाउने नायिका पूजाले यति सजिलै पत्रकारलाई गाली गरेकी छिन् कि, उनी हरेक कुरामा सही छिन् ।