डेब्यु फिल्मबाट सफल कि असफल निकिता ?
मिस नेपाल निकिता चाण्डकले गत वर्ष चलचित्र क्षेत्रमा डेब्यु गरिन् । विराज भट्टको निर्माण तथा निर्देशनमा बनेको चलचित्र ‘साङ्लो’ उनको डेब्यु चलचित्र बन्यो । चलचित्रमा विराज र निकिता जोडी बनेका थिए ।
गत वर्षको माघ २४ गते रिलिज भएको यस चलचित्रले पहिलो दिन खासै राम्रो व्यापार गर्न सकेन । शनिबारको दिन भने चलचित्र सबै हलहरुमा हाउसफुल भयो । तर, आइतबारदेखि चलचित्रको व्यापार शुन्य जस्तै भयो ।
दुई दिनको कमाईले चलचित्रको लगानी बच्ने कुरा भएन । त्यसैले निकिताको डेब्यु चलचित्र र विराजको कमब्याक चलचित्र ‘साङ्लो’ असफल चलचित्रको सुचिमा दर्ज भयो । मिस नेपाल निकिताले डेब्यु चलचित्रबाट नै असफलता खेप्नु पर्यो । पहिलो चलचित्रबाट नै फ्लप नायिकाको ट्याग लाग्यो ।
अभिनयको हिसावमा भने निकितालाई दर्शकले केही हदसम्म रुचाए । उनको काम दर्शकमात्र होइन, अन्य चलचित्रकर्मीको नजरमा पनि परेको छ । त्यसैले यो वर्ष निकिताको लागि सुखद वर्ष हुनसक्ने अनुमान गर्न सकिन्छ ।
निकिताले साइन गरेको पहिलो चलचित्र भने ‘साङ्लो’ होइन । उनले यसअघि नै चलचित्र ‘रानी महल’ नामक चलचित्र साइन गरेकी थिइन् । उक्त चलचित्रको १५ प्रतिशत छायांकन पछि उक्त चलचित्र रोकियो । त्यसैले साङ्लो निकिताको डेब्यु चलचित्र बनेको थियो ।