एकअर्कासँग जुध्ने कुरामा सजग पूजा र वर्षा
नेपाली चलचित्र क्षेत्रमा मिल्ने दुई अभिनेत्री हुन्, पूजा शर्मा र वर्षा राउत । उनीहरु एक-अर्कासँग खबै मिल्छन् ।
यस्तैमा, विवादित बनिरहेकी पूजा शर्मालाई वर्षाले साथ दिएकी छिन् । पूजाको फेसबुक लाइभमा आएर पूजाको लागि वर्षाले केही मिठो शब्दहरु बोलिदिइन् ।
लाइभमा उनीहरु आफ्नो आगामी चलचित्र जुध्ने हो कि भन्ने विषयमा पनि कुराकानी गरिरहेका थिए । उनीहरु सकेसम्म नजुध्ने पक्षमा छन् ।
यस वर्षको तीजमा पूजा शर्मा र वर्षा राउतको चलचित्र आउने पक्का थियो । पूजाको ‘सम्हालिन्छ कहिले मन’ र वर्षाको ‘के घर के डेरा’ले तीजलाई रिलिज लक्ष्य बनाएका थिए । तर, के घर के डेराको छायांकन नै सुरु नभएकाले यो भिडन्त टर्ने सम्भावना छ ।
उनीहरु चलचित्र जुधेपछि आफूहरुलाई पनि मिडियाले जुधाइदिने भन्दै उक्त कुरामा सजग रहेको समेत बताएका छन् । चलचित्र जुधेपनि आफूहरूको सम्बन्धमा कहिले फाटो नआउने यी दुईको दाबी छ ।