‘देवी’को क्यारेक्टर पोस्टरमा नाजिर, गौरव र शिल्पा

चलचित्र ‘देवी’को क्यारेक्टर पोस्टर सार्वजनिक गरिएको छ । सार्वजनिक पोस्टरमा नाजिर हुसेन, गौरव पहारी र शिल्पा मास्केलाई फिचर गरिएको छ ।

चलचित्रमा उनीहरुले निर्वाह गरेको भूमिका र उनीहरुको लुक्सको बारेमा निर्माणपक्षले पोस्टरमार्फत् दर्शकमाझ सार्वजनिक गरेको हो ।

संजोग राईका लेखन तथा निर्देशन रहेको ‘देवी’को छायांकन सकिसकेको छ । रोमन गुरुङले निर्माण गरेको यस चलचित्रमा अजय गौतमको पटकथा रहेको छ ।

दुश्मनको नाश गर्ने ‘देवी’ माताको विषयलाई प्रस्तुत गरेको यस चलचित्रमा शिल्पा मास्के देवीको अवतारमा प्रस्तुत भएकी छिन् ।