जेल जीवनका सहयोद्धा रायमाझीको निधनमा प्रम ओलीद्वारा दु:ख व्यक्त !

नेपाल कम्युनिष्ट पार्टी (नेकपा) का नेता बुद्धिबहादुर रायमाझीको निधन भएको छ । ७० बर्षका रायमाझीको उपचारका क्रममा सोमबार काठमाडौँमा उनको निधन भएको हो । नेपाली कम्युनिष्ट आन्दोलनका क्रममा १४ वर्ष कारागार जीवन बिताएका रायमाझी प्रधानमन्त्री केपी शर्मा ओलीका जेल जीवनका सहयोद्धा समेत हुन् ।

रायमाझीको निधनप्रति प्रधानमन्त्री ओलीले गहिरो दु:ख व्यक्त गरेका छन् । उनले एक शोक वक्तव्य जारी गर्दै कम्युनिस्ट पार्टीका निष्ठावान कार्यकर्ता रायमाझीप्रति श्रद्धासुमन अपर्ण गरेका छन् ।

लामो समयदेखि फोक्सोको क्यान्सरबाट पीडित उनी चर्चित हर्रेबर्रे काण्डका अगुवा समेत थिए । रायममाझीको पशुपति आर्यघाटमा मंगलबार दाहसंकार गरिएको छ। उनको पार्थिव शरीरमा नेकपा उपाध्यक्ष बामदेव गौतम, महासचिव विष्णु पौडेल र परराष्ट्रमन्त्री प्रदीप ज्ञवालीले पार्टीको झण्डा ओढाएका थिए ।