बंगलादेश : विश्वकै ठूलो रोहिंग्या शरणार्थी शिविरमा पस्यो कोरोना संक्रमण !

बंगलादेशमा रहेको सेभ द चिल्ड्रेनका स्वास्थ्य निर्देशक डा शमिम जाहनले भनेका छन् कि अब विश्वको सबैभन्दा ठूलो शरणार्थी बस्तीमा भाइरसको प्रवेश भएको छ । यसबाट हजारौँ व्यक्तिको ज्यान जोखिममा पर्नसक्ने उनको चिन्ता छ । यो महामारीले बंगलादेशलाई दशकौँ पछाडि धकेल्न सक्ने समेत उनले चेतावनी दिएका छन् ।

कक्स बजारको शिविरमा प्रति एक वर्गकिलोमिटरमा ४० हजारदेखि ७० हजार शरणार्थी बस्न बाध्य रहेको बताइन्छ । जसका कारण त्यहाँ सामाजिक दूरी कायम गरेर बस्न समेत गाह्राे रहेकाे र संक्रमण फैलिँदै गएमा अवस्था भयावह हुने चिन्ता थपिएकाे छ ।