सलमान र शाहरुख एकसाथ !

बलिउडमा अभिनेताद्वय सलमान खान र शाहरुख खानको नाम उच्च स्थानमा छ । धेरैले उनीहरुलाई प्रतिष्पर्धी भन्ने गर्छन् । तर, सलमान र शाहरुख आफूहरु मिल्ने साथी भएको बताउँदै आएका छन् ।

यी दुई नायकले सफल चलचित्र ‘करण अर्जुन’मा एकसाथ काम गरे । उक्त चलचित्रपश्चात् सलमान र शाहरुख केही चलचित्रमा सँगै देखिएका छन् । सलमानको केही चलचित्रमा शाहरुखले केमियो गरेका छन् भने शाहरुखको केही चलचित्रमा सलमानले केमियो गरेका छन् ।

यस्तैमा, सलमान र शाहरुखलाई एकसाथ हेर्न चाहाने दर्शकको लागि खुसीको खबर मिलेको छ । यी दुई नायक एकसाथ पर्दामा देखिने सम्भावना बढेको छ ।

निर्देशक राजकुमार हिरानी नयाँ चलचित्रको निर्देशनमा तम्सिएका छन् । जुन चलचित्रको लागि दुई नायकको आवास्यकता पर्छ । जसमा उनले सलमान र शाहरुखलाई रोजेका छन् ।

हिरानीले दुबैलाई चलचित्रको अफर गरिसकेका छन् । शाहरुखले चलचित्र गर्ने मनस्थिती बनाएका छन् भने सलमान विचाराधिन अवस्थामा छन् । यदि दुबैले चलचित्रको अफर स्विकारे छिट्टै सलमान र शाहरुखलाई एकसाथ पर्दामा देख्न पाइने छ ।