साउनको सोमबार ब्रत बस्दा के गर्न हुने के नहुने ! जानी राखौ

साउन महिनालाई भगवान शिवको प्रिय महिनाको रुपमा लिइन्छ । माता पार्वतीले साउन महिनामा ब्रत बसेर शिव भगवानको पूजा गरेको कारण शिवजी पाएको किम्वदन्तीमा उल्लेख छ । धर्मग्रन्थअनुसार साउन महिनालाई एकदमै पवित्र महिनाको रुपमा पनि लिइन्छ । भगवान शिवको प्रिय रङ्गको रुपमा र जताततै हरियाली हुने भएकाले यो महिनामा महिलाहरु हरियो पहेलो रङको चुरा पोते लगाउने गर्दछन् । यो महिनामा भगवान शिव पृथ्वी भ्रमण गर्न आउने हुनाले साउन महिनामा भगवान शिवको विशेष पूजा आरधना गरिन्छ ।

विशेषगरी साउनको सोमबार बिबाहीत महिलाहरु श्रीमानको शुस्वास्थ्य र दिघार्युको लागि ब्रत बस्ने गर्दछन् भने अविवाहित महिलाहरु सुयोग्य वरको कामना गरी ब्रत बसेर पूजाआजा गर्ने गर्दछ । साउनको सोमबार ब्रत बसेर विधिपूर्वक पूजाआजा गर्नाले मनोकामना पूरा हुनुको साथै दिर्घायु, शुखशान्ती, ऐश्यर्व, धनसम्पत्ती र मानसम्मान प्राप्त हुने विश्वास गरिन्छ । साउन महिनामा ब्रत बस्ने चलन भगवान शिव र पार्वतीको समयदेखि नै शुरु भएको मानिन्छ ।

विशेष आजको ब्रतको दिन छिटो उठने स्नान गर्ने र शुद्ध वस्त्र लगाउने गर्नुपर्दछ । कालो वस्त्र लगाउनु हुँदैन र एकछाक मात्र भोजन गर्ने गर्नुपर्दछ । पूजाको थाली तयार गर्दा अबिर, कपुर, धुपबत्ती, धतुरोको फूल, मह, काँचो दुध, बेलपत्र आदी चढाउनुपर्दछ । भगवान शिवलाई रातो फुल चढाउनु हुँदैन । हरियो, पहेँलो फुल शिवजीको प्रिय हो । भने माछामासु, अण्डा, लसुनप्याज, मुसुरोको दाल अदि खानुहुँदैन । दही, फलफूलको जुस, कागतीपानी, आलु भने भोजन गर्न मिल्छ ।