डा.भोला रिजाल ‘हामी दुबै कोरोना संक्रमित भएका छौं तर थोरैपनि भयभित छैनौं’

स्त्री तथा प्रसुति रोगका वरिष्ठ विशेषज्ञ डा. भोला रिजाल दम्पत्तिलाई कोरोना भाइरसको संक्रमण पुष्टि भएसँगै ह्याम्स अस्पतालको आइसोलेशनमा भर्ना भएका छन् । डा. रिजालले आफूहरु दुबैजना कोरोना संक्रमित भएपनि थोरै पनि भयभित नभएको बताएका छन् ।

बुधबार आफ्नो फेसबुक अकाउन्टमा भोला रिजालले श्रीमतीसँगको फोटो पोस्ट गर्दै लेखेका छन्, ‘हामी दुबै आज कोरोना संक्रमित भएका छौं तर थोरै पनि भयभित छैनौं । हामीलाई मात्र होइन, सबैले अरुलाई पनि हौसला दिऔं । संक्रमितहरुको मनोबलका साथै स्वास्थ्यकर्मी जो आफ्नो जीवन राष्ट्रको लागि समर्पण गरिरहेका छन्, सबैलाई सलाम छ ।’

यसका साथै उनले उक्त पोस्टमा स्वास्थ्यकर्मी हुनुको जोखिम बारे पनि बताएका छन् । उनले लेखेका छन्, ‘म एउटा स्वास्थ्यकर्मी । हाम्रो जीवन आफ्नो हातमा कहाँ हुन्छ र ? हामी आफूमात्रै होइन हामीबाट हाम्रो परिवारसमेत उत्तिकै जोखिममा रहन्छन् । ’उनले आफूहरुलाई आशिर्वाद, स्वास्थ्य लाभको शुभकामना दिने सबैलाई धन्यवाद दिएका छन् ।