मित्र किरातीले ल्याए ‘आकाशसँग तिमीलाई’
गायक बुद्ध राईको नयाँ गीत सार्वजनिक भएको छ । सार्वजनिक ‘आकाशसँग तिमीलाई’ बोलको गीतको शब्द मित्र किराती राईले लेखेका छन् । गीतको संगीत गायक राईले नै तयार गरेका हुन् ।
सार्वजनिक गीतको भिडियोमा प्रविन कुमार मौनाली र आशु मल्ल फिचर भएका छन् । भिडियोमा प्रविन र आशुलाई रोमान्टिक शैलीमा प्रस्तुत गरिएको छ ।
विचल किरातीको निर्देशनमा तयार भएको भिडियोलाई सुमन तामाङले खिचेका हुन् । देवराज सिग्देल सहायक छायांकार रहेको भिडियोलाई ‘कोशी भिजन फिल्मस्’मा सम्पादन गरिएको हो ।