कोरोना संक्रमण बाट गण्डकी प्रदेशमा थप २ जनाको मृत्‍यु !

गण्डकी प्रदेशमा थप २ जना कोरोना संक्रमतिको मृत्‍यु भएको छ । मृत्‍यु हुनेमा स्याङ्जा, गल्याङ नगरपालिका-११ का ५० वर्षीय पुरूष र पर्वतको जलजला गाउँपालिका-७का ८४ वर्षीय कोरोना संक्रमित पुरुष रहेका छन् । ५० वर्षीय पुरुषको उपचारको क्रममा मृत्‍यु भएको पोखरा स्वास्थ्य विज्ञान प्रतिष्ठानले बताएको छ । उनलाई १८ गते कोरोना संक्रमण देखिएको उनलाई २१ गते अस्पतालमा भर्ना गरिएको थियो ।

यस्तै ८४ वर्षीय कोरोना संक्रमित पुरुषको मणिपाल शिक्षण अस्पतालमा पोखरामा मृत्‍यु भएको छ । उनी २१ गते कोरोना संक्रमित भएको र मुटुको विरामी समेत थिए । यससँगै गण्डकी प्रदेशमा कोरोना संक्रमणबाट मृत्‍यु हुनेको संख्‍या २३७ पुगेको छ ।