राजेश पायल राईमाथि आक्रमण गर्ने शेर्पाले माफी मागे ( हेर्नुहोस भिडियो सहित )

चर्चित गायक राजेश पायल राईमाथि दुर्व्यवहार गर्ने दावा पासाङ शेर्पाले माफी मागेका छन् । गायक राईमाथि आक्रमण गर्ने शेर्पाले माफी मागेसँगै उक्त विषय साम्य भएको हो ।

शनिबार अमेरिकामा आयोजित नयाँवर्षको स्वागत कार्यक्रममा गीत गाइरहेका राईमाथि शेर्पाले पछाडिबाट आएर हातपातको प्रयास गरेका थिए । आइतबार अमेरिकास्थित न्यूयोर्कमा पञ्च भलादमीसहितको उपस्थितमा शेर्पाले गायक राईलाई एक बोतल रक्सी चढाएर क्षमा मागेका थिए । शेर्पा सस्कृती अनुसार उनले रक्सी र खादा सगुन दिएर माफी मागेका हुन् ।

उक्त घटनप्रति संगीतसँग सम्बन्धित विभन्न संस्था तथा व्यक्तिहरुले घोर भत्र्सना गरेका थिए । उता आक्रमणमा परेका राईले भने कुनै पनि नकारात्मक टिप्पणी गरेका थिएनन् ।

बरु उनले पछाडीबाट आएका अंगालोहरु स्वीकार्य रहेको । तर अगाडिबाट आएको ज्वालामुखी पनि निल्न सक्ने भन्दै सार्वजनिक अभिव्यक्ति दिएका थिए । उक्त विषयमा आयोजकले भने शेर्पा राजेशको फ्यान भएकोले उनले अंगालो मारेको स्पष्टिकरण दिएको थियो ।