गायक कर्णराज गिरीको ‘ सुन म्याकुरी’ मा राहुल र आशमाको अभिनय…(भिडियो सहित)

दिपक गिरी। २०७८ फागुन २१,
काठमाडौ। गायक कर्णराज गिरीको ‘ सुन म्याकुरी’ बोलको गीत सार्वजनिक भएको छ। शनिवार सार्वजनिक भएको उक्त गीतमा पछिल्लो समयका चर्चित मोडल राहुल शाह र आशमा बिश्वकर्माको अभिनय देख्न सकिन्छ।

धेरै जसो मार्मिक गीत गाएर चिनाएका गिरीले यस पटक भने फरक प्रस्तुतिका साथ् दर्शक माझ देखिएका छन्। पछिल्लो युवा पुस्ताले निकै रुचाएका दुइ मोडल आशमा र राहुलको अभिनयले गीतलाई थप हेर्न लायक बनाएको छ। भिडियोमा युवा र युवती बीचको प्रेम दर्शाउन खोजिएको छ। प्रेमीकाको पछि प्रेमी लागेको र प्रेमिकाले मतलव नगरेको जस्तो देख्न सकिन्छ। फुर फुर नगर.. छेपारोले उफ्रेर मोई खाला जस्तो व्यंग्यात्मक ढंगले प्रेमीकालाई फकाईएको छ।

रबि मान सिंह बस्न्यातको शब्द र टिका बम्जनको संगीत रहेको भिडियोमा पवन सुस्लिङ्गको छायांकन र संपादन रहेको छ भने मनोज बस्नेतको लगानी रहेको छ। गीतको रेकर्डिङ्ग एसकोसटिक स्टुडियोमा र मिक्स मास्टरिंग प्रकाश मिश्राले गरेका हुन् भिडियोमा निर्देशन | कोरियोग्राफी राहुल शाहको रहेको छ ।

(भिडियो सहित)