देशभरका सरकारी वेबसाइटहरु आधा घण्टा बन्द

काठमाडौं : दुई दिनदेखि निरन्तरको वर्षाका कारण देशभरका सरकारी वेबसाइटहरु आधा घण्टा बन्द भएका छन् ।

काठमाडौंमा पानी पर्दा विजुली आउने र जाने भएका कारण आधा घण्टा देशभरका सरकारी वेबसाइटहरु डाउन हुन पुगेको राष्ट्रिय सूचना प्रविधि केन्द्रका सहायक निर्देशक रमेशप्रसाद पोखरेललाई जानकारी दिए ।

उनले भने, ‘ निरन्तरको वर्षाले पावर सप्लाई अफ भयो। जसका कारण देशभरको वेबसाइट आधा घण्टाका लागि डाउन हुन पुग्यो।’

निर्देशक पोखरेलले सरकारी वेबसाइटको ब्‍याकअप सिष्टम हेटौंडामा राखिएकोले तत्कालै रिकभर गर्न नसकेपछि आधा घण्टापछि पुनस् देशभर सरकारी वेबसाइटहरु सुचारु भएको बताए ।