काठमाडौंबाट रौतहटका लागि छुटेको बस धादिङमा दुर्घटना, ३१ जना घाइते

काठमाडौं – धादिङको गल्छी गाउँपालिका–६ मा बस दुर्घटना भएको छ । दुर्घटनामा परी ३१ जना घाइते भएका छन्। घाइतेमध्ये २२ जनालाई उपचारका लागि काठमाडौंको ट्रमा सेन्टरमा ल्याएको बताइएको छ ।

अन्यको स्थानीय गल्छी र आदमघाट अस्पतालमा उपचार भइरहेको छ।काठमाडौंबाट रौतहटका लागि छुटेको प्रदेश ३–०१–००५ ख ९७२९ नम्बरको बस गएराति करिब २ बजे दुर्घटनामा परेको हो । सडकमा भएका खाल्डाखुल्डीका कारण बस पल्टिएको प्रहरीले अनुमान गरेको छ ।