२५ कार्तिकमा रिलिज हुँदै जीतु र साम्राज्ञीको ‘ह्यारी की प्यारी’

डा. भोला रिजालको निर्माण र उनका छोरा डा. कपिल रिजालको निर्देशन रहेको फिल्म ‘ह्यारी की प्यारी’ २५ कात्तिकबाट प्रदर्शनमा आउने भएको छ । निर्माण युनिटले शुक्रबार फिल्मको एक पोष्टर फष्टलुकका रुपमा सार्वजनिक गर्दै प्रदर्शन मिति घोषणा गरेको हो ।

फष्टलुकमा फिल्मका अभिनेता जीतु नेपाल र अभिनेत्री साम्राज्ञी राज्यलक्ष्मी शाह देखिएका छन् । फिल्मले उनीहरुको विवाहको कथा भन्ने फष्टलुकमा झल्किएको छ।  पोस्टरमा जीतु ढाका टोपी लगाएर नौमति बाजा बजाउँदै देखिएका छन्, भने साम्राज्ञी रातो लेहंगामा बेहुली झैं सजिएकी छन् । जीतु र साम्राज्ञीको रोचक केमेस्ट्रीले फिल्मप्रति उत्सुकता जगाउने देखिन्छ ।