मौलिक तीज गीत ‘बरिलै’ आयो बजारमा
तीज नजिकिदै गर्दा गायक गायिकालाई अचेल यसकै चटारो छ । उनीहरु यतिबेला नयाँ गीत संगीत उत्पादनमा ब्यस्त छन् ।
यस्तैमा लोकप्रिय गायक कस्तुप पन्तले पनि मौलिक तीज गीत ‘बरिलै’ सार्वजनिक गरेका छन् ।
नयाँ बुहारी घरमा भित्रिएपछि परिवारको परिस्थिति हुने परिवर्तन गीतमा उतारिएको छ । समसामयिक विषयमा मार्मिक रुपले तयार पारिएको गीतको शब्द तथा लय मनु पन्तले तयार पारेकी हुन् ।
गीतमा स्वर भने कस्तुपले गायिका देवी घर्तीको मिलेर दिएका छन् ।
गीतको आकर्षक भिडियो पनि बनेको छ । जसको निर्देशन निरेन श्रेष्ठले गरेका हुन् । भिडियोमा लोमश शर्मा र दिव्या न्यौपानेको अभिनय देख्न सकिन्छ । गीतलाई सारथी म्युजिकले बजारमा ल्याएको हो ।