मलामी बोकेको ट्याक्टर दुर्घटना, दुईजनाको मृत्यु, ४४ घाइते

संखुवासभाको चैनपुर नगरपालिका–१० मा मलामी गएर फर्किने क्रममा ट्याक्टर दुर्घटना हुँदा दुईजनाको मृत्यु भएको छ ।

खाँदबारी–लेगुवा सडक खण्डको दुमकटामा शुक्रबार दिउँसो ट्याक्टर पल्टिदा मलामीहरु केशव कार्की र गंगाबहादुर तामाङ मृत्यु भएको जिल्ला प्रहरी कार्यालयका डीएसपी लालध्वज सुवेदीले जानकारी दिए ।

दुर्घटनामा ४४ जना घाइते भएका छन् ।

को २ त ३९६१ नम्बरको ट्याक्टर दुर्घटना चैनपुर–१० का २४ वर्षीय तामाङ र चैनपुर–९ का ४६ वर्षीय कार्कीको मृत्यु भएको डीएसपी सुवेदीले बताए ।

घाइतेमध्ये एकजनाको अवस्था गम्भीर रहेको प्रहरीले जनाएको छ ।