पाटन संग्रहालयमा चापागाईंको एकल प्रस्तुति हुने
गायक सुजन चापागाईंको एकल लाइभ प्रस्तुति हुने भएको छ ।
आर्टमाण्डुको आयोजना तथा पीआरभी इन्टरटेनटमेन्टको सहकार्यमा आगामी शनिबार ललितपुरको पाटन संग्रहालयमा सुजनले एकल सांगीतिक प्रस्तुति दिने भएका हुन् ।
तीनपाते, बाफ, घुमीघुमी जस्ता गीतबाट लोकप्रिय भएका सुजनको यो पहिलो लाइभ कार्यक्रम हो । शनिबार साँझ ६ बजेदेखि ८ बजेसम्म सुजनको लाइभ प्रस्तुति हुने जनाइएको छ ।
कार्यक्रममा सुजनले आफ्ना चर्चित गीतसँगै झलकमान गन्धर्वको दुई गीत समेत गाउनेछन् । सुजनलाई गायनमा गायिका शान्तिश्री परियार र विद्या तिवारीले साथ दिनेछन् ।