फिल्म डिष्ट्रिब्युटर कम्पनीको प्रवन्धकमा छविराज ओझा नियुक्त
फिल्म डिष्ट्रिब्युटर कम्पनीको प्रवन्धकमा छविराज ओझा नियुक्त भएका छन । आइतबार एक कार्यक्रमको आयोजना गरी ओझालाई संस्थाको प्रवन्धकमा नियुक्त गरिएको हो ।
निर्माता ओझाले विगत लामो समयदेखि नेपाली चलचित्र क्षेत्रमा फिल्म निर्माताको रुपमा काम गरिरहेका छन् । ओझाद्धारा निर्मित प्राय : सबै चलचित्रले दर्शकको मन जितेको छ भने फिल्मले कमाई पनि मनग्य गरेको छ ।
फिल्म निर्माणमा तीन दशक बिताइसकेका छविराज ओझालाई फिल्मकर्मीले ‘छवि बा’ भनेर पनि सम्बोधन गर्छन् ।
फिल्म डिष्ट्रिब्युटर कम्पनीमा सुशिल पोखरेल, नरेन्द्र महर्जन, कपिल दावा लगायतका व्यक्तिहरुको लगानी रहेको छ । काठमाडौंको बुद्धनगरमा अवस्थित उक्त कम्पनीमा यस अघि सुशिल पोखरेलले अध्यक्षको जिम्मेवारी सम्हालेका थिए ।
बेला बेलामा कन्ट्रोभर्सीमा परिरहने ओझाले हाल काठमाडौंमा कान्तिपुर फिल्म एकेडेमी सञ्चालनमा ल्याएका छन भने उनले नेपाली फिल्म हल पनि सञ्चालन गरेका छन् ।
३० वर्षमा २३ वटा फिल्म निर्माण गरेका वझाले फिल्मी करिअरमा सफल भए पनि वैवाहिक जिवनमा भने आफू असफल भएको बताउँछन् ।