पाए जित्छु, नपाए हराउँछु – ओली

नेकपा एमालेका अध्यक्ष केपी शर्मा ओलीले स्थानीय चुनाव राम्रो नभएको बताएका छन् । टिकट पाए जित्छु, नपाए जसले पाउँछ, उसलाई जिताउँछौं भन्ने नाराको व्यापक उल्लंघन भएको उनले बताए ।

बुधबार काठमाडौंमा आयोजित पार्टीको बाग्मती प्रदेशस्तरीय प्रशिक्षण कार्यक्रममा एमाले अध्यक्ष ओलीले टिकट पाए जित्छु, नपाए जसले पाउँछ, उसलाई जिताउँछु भन्ने नारा सही भएको बताए । उनले अघि भने, ‘व्यवहारमा चाहिँ उल्टो भयो, पाए जित्छु, नपाए हराउँछु भन्ने भयो ।’

कुनै उम्मेदवार हार्दा एमाले हार्ने भन्दै उनले व्यक्तिगत अहम् छाड्नुपर्ने बताए । उनले अघि भने, ‘सानातिना कुरामा अल्झिने होइन, हाम्रा महान अभिभारा पुरा गर्न एमाले एकढिक्का हुन्छ, एक ढिक्का हुनुपर्छ ।’