हाम्रो टिम नेपाल र त्रिवेणी युवा क्लबको आयोजनामा अनामनगर चोकमा सम्पन्न भयो रक्तदान कार्यक्रम

०७ साउन, काठमाण्डौं – रक्तदान नै जिवन दान भन्ने मुल नाराका साथ हाम्रो टिम नेपालको पहलमा आज काठमाण्डौंको अनामनगरस्थित BYD गाडी शोरुममा रक्तदान कार्यक्रम आयोजना गरिएको छ ।

हाम्रो टिम नेपाल, त्रिवेणी युवा क्लब, शिखर युवा क्लब तथा कालिका महाविर स्पोट्स क्लब र काठमाडौं महानगरपालिका वडा नम्बर २९ को सहकार्यमा रक्तदान कार्यक्रम आयोजना गरिएको हो ।

उक्त रक्तदान कार्यक्रममा विशिष्ट व्यक्तिहरु पनि आएर सामेल भएका थिए भने पूर्व एआइजी रमेश खरेल, कलाकार कृष्ण शिवाकोटी, अनामनगर प्रहरी वृतका डिएसपी र वडा नम्बर २९ का वडाध्यक्ष कुश ढकालले समेत रक्तदान कार्यक्रममा सहभागी भएर रक्तदान गरेका छन् ।

रक्तदान कार्यक्रममा सहभागी भई १ सय ७० जनाले रक्तदान गरेका हाम्रो टिम नेपालका अध्यक्ष विमल पन्तले अनलाइन टिभी नेपालसँगको कुराकानीमा बताए । विगत लामो समयदेखि विभिन्न समय पारेर तीन महिनाको अन्तरालमा अनामनगर चोकमै रक्तदान कार्यक्रम हुँदै आएको छ ।

हेर्नुहोस भिडियोसहित… https://fb.watch/erxqCb1LYI/