दीपक–दीपाको चलचित्र ‘छक्का पञ्जा–४’ को शुभमुहूर्त संगै छायाँकन शुरू

काठमाडौं – भक्तपुर सूर्यविनायकस्थित गणेश मन्दिरमा औपचारिक रुपमा शुभमुहूर्त गर्दै फिल्म ‘छक्का पन्जा-४’ को छायाँकन सुरु गरेको छ ।
दीपकराज गिरी र दीपाश्री निरौलाले चलचित्र ‘छक्का पञ्जा–४’को आमा सरस्वती मुभिजको ब्यानरमा निर्माण हुने चलचित्रको सोमबार बिहान औपचारिक निर्माण घोषणासँगै शुभमुहूर्त गरिएको हो ।

‘छक्का पञ्जा’ आफैमा एउटा सफल चलचित्र मानिन्छ ब्यापारको हिसाबले हेर्नेहो भने पनि यो ‘छक्का पञ्जा’का तीनवटै शृंखलाले धेरै राम्रो ब्यापार गरेकोथियो पछिलो समय सबैभन्दा धेरै दिनसम्म चलने सफल चलचित्र पनि हो दीपाश्रीले निर्देशन गर्दै आएकोमा ‘छक्का पञ्जा–४’लाई भने हेमराज बिसीले निर्देशन गर्दैछन् ।

चलचित्रमा दीपकराज गिरी, दीपाश्री निरौला, केदारप्रसाद घिमिरे ( माग्ने बुढा ) बेनिशा हमाल, मलिना जोशी, नीर शाह, निर्मल शर्मा, रमेश बुढाथोकी, सुवास गजुरेललगायत कलाकारहरूको अभिनय रहनेछ ।

दीपक–दीपा प्रस्तुतकर्ता रहेको चलचित्रमा कार्यकारी निर्माता केदारप्रसाद घिमिरे र निर्मल शर्मा रहेका छन् । चलचित्रलाई कहिले रिलिज गर्ने भन्नेबारे निर्माण टिमले जानकारी दिएको छैन । चलचित्रलाई नरेन्द्र मैनालीले खिच्नेछन् ।