दीपक र दीपाको “छक्का पन्जा ४”को ट्रेलर सार्वजनिक….(हेर्नुस् ट्रेलर)

चलचित्र “छक्का पन्जा ४”को ट्रेलर सार्वजनिक भएको छ। दीपक र दीपाको यस चलचित्र शुक्रबार ओएसआर डिजिटल युट्युब च्यानलमार्फत ट्रेलर सार्वजनिक गरिएको हो । सार्वजनिक ट्रेलरमा राजनीतिक परिवेशलाई देखाइएको छ।

हेमराज विसीले निर्देशन गरेको चलचित्रमा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ। चलचित्रको कथा दीपकराज गिरी स्वामको नै छ । यस भन्दा अगडीको चलचित्रहरुमा पनि दीपकराज गिरी आफ्नै कथामा तयार हुदै आएको थियो ।

आमा सरस्वती मुभिज र आइएमीको प्रस्तुति रहेको चलचित्रलाई दिपेन्द्र खनिया र केशव न्यौपानेको निर्माण रहेको छ । चलचित्रका कार्यकारी निर्माता केदारप्रसाद घिमिरे र निर्मल शर्मा छन्। नरेन्द्र मैनालीले छायांकन गरेको चलचित्लाई निमेष श्रेष्ठले सम्पादन गरेका छन् । चलचित्र फागुन १९ गतेदेखि प्रदर्शन हुँदैछ।