नेपालगञ्जको तापक्रम ४४ डिग्री सेल्सियस नाघ्दा विद्यालय बिदाको अवधि लम्बियो
बाँके– अत्याधिक गर्मी बढेपछि नेपालगञ्ज उपमहानगरपालिकाका विद्यालयको बिदाको अवधि लम्बिएको छ । गर्मीका कारण बन्द रहेको विद्यालयमा असार ७ गतेसम्म बिदा लम्बिएको हो ।
आज नेपालगन्जको तापक्रम ४४ डिग्री सेल्सियस नाघेको छ । अत्याधिक गर्मीले बालबालिकाको स्वास्थ्यमा नकारात्मक प्रभाव पार्ने देखिएपछि विद्यालय बन्दको अवधि थपिएको उपमहानगरपालिकाले जनाएको छ ।
यसअघि नेपालगञ्जले अत्यधिक गर्मी भएको भन्दै जेठ १५ गतेदेखि १९ गतेसम्मका लागि विद्यालयमा बिदा दिएको थियो ।