विश्वकपमा समुह बीअन्तर्गत पहिलो खेलमा नामिबियाको जीत

काठमाडौं– आईसीसी पुरुष टी–२० विश्वकप–२०२४ को समुह बी को पहिलो खेलमा नामिबियाले ओमानलाई सुपर ओभरमा हराउँदै विजयी भएको छ ।

११० रनको लक्ष्य पछ्याएको नामिबियाले २० ओभरमा ६ विकेट गुमाउँदै १०९ रन बनाएको थियो । नामिबिया र ओमान बराबर रन बनाएपछि खेल सुुपर ओभरमा धकेलिएको थियो ।

सुपर ओभरमा नापमबियाले २१ रन जोडेको थियो । २१ रन पछ्याएको ओमानले १ विकेट गुमाउँदै १० रन मात्र जोड्न सक्यो । सुपर ओभरमा नामिबियाका डेविड विजा र कप्तान जेराल्ड इरास्मसले २१ रनको साँझेदारी गरेका हुन् ।