ट्राफिक प्रहरीकै अगाडी यातायातका कर्मचारीबीच कुटाकुट

काठमाडौं– काभ्रेको बनेपामा ट्राफिक प्रहरीकै अगाडी कुटाकुट भएको छ । हिमाल–तराई यातायात सेवा प्रालि र अरनिको यातायात सेवा प्रालिका कर्मचारीहरुबीच कुटाकुट भएको छ ।

अरनिको यातायातका कर्मचारीहरुले मूल सडकमै बस तेर्स्याएर चक्काजाम गरेपछि विवाद भएको थियो । सोही क्रममा दुई यातायात सेवाका कर्मचारीहरुबीच झडप भएको हो । यातायात खुलाउने प्रयासमा पुगेका ट्राफिक प्रहरीकै अगाडी उनीहरुबीच कुटाकुट भएको थियो । अहिले अवस्था सामान्य रहेको र सडकको अवरोध हटेको प्रहरीले जनाएको छ ।