ट्रकको ठक्करबाट बालकुमारीमा स्कुटर चालकको मृत्यु

काठमाडौं– ललितपुरको बालकुमारीमा ट्रकको ठक्करबाट स्कुटर चालकको मृत्यु भएको छ । सिन्धुली तिनपाटन घर भएर भक्तपुर बस्दै आएका ३५ वर्षीय रमेश कुमार पाण्डेको ट्रकको ठक्करबाट मृत्यु भएको हो । उनी बा ८३ प ८१७८ नम्बरको स्कुटरमा सवार दिए ।

सोमबार साँझ कोटेश्वरबाट ग्वार्को तर्फ जाँदै गरेको प्रदेश–२–०३–००१ ख ५३५७ नम्बरको ट्रकले सोही दिशामा जाँदै गरेको स्कुटरलाई ठक्कर दिएको थियो । ठक्करबाट गम्भीर घाइते भएका पाण्डेको उपचार लागि बी एण्ड बी अस्पतालमा पुर्याइएको थियो । उनको उपचारका क्रममा मृत्यु भएको प्रहरीले जानकारी दिएको छ ।

ट्रक चालक धादिङ धुनिबेसी नगरपालिका घर भएका ४३ वर्षीय विशाल राई हुन् । उनलाई प्रहरी वृत सातदोवाटोले नियन्त्रणमा लिएको छ ।