६० किलो सुन तस्करी प्रकरणमा पूर्वउपराष्ट्रपति नन्दबहादुर पुनका छोरा दिपेशको संलग्नता भेटिएन– सिआईबी

काठमाडौं– ६० किलो सुन तस्करी प्रकरणमा दिपेश पुनको संलग्नता नभेटिएको प्रहरीको केन्द्रीय अनुसन्धान ब्युरो (सीआईबी) ले जनाएको छ । सो सँगै पूर्वउपराष्ट्रपति नन्दबहादुर पुनका छोरा दिपेशलाई प्रतिवादी बनाउन नपर्ने निष्कर्ष निकालेको छ ।

२०८० साउन २ मा त्रिभुवन अन्तर्राष्ट्रिय विमानस्थलबाट बरामद सुन तस्करी प्रकरणको अनुसन्धानमा दिपेशको संलग्नता नभेटिएको सीआईबीले जनाएको हो । सोही आधारमा दिपेश पुनलाई प्रतिवादी नबनाइएको सीआईबीको भनाइ छ । सीआईबीले यस प्रकरणमा अहिलेसम्म २० जनालाई पक्राउ गरेको छ ।

यस प्रकरणमा नेपाली, भारतीय र चिनियाँसमेत गरी २६ जना अझै फरार रहेका छन् । सोमबार सीआईबीले पत्रकार सम्मेलन गरी यसबीचमा ब्रेकसू र इलेक्ट्रोनिक सामानमा गरी ३० अर्बभन्दा बढी पर्ने ३२ क्विन्टल सुन तस्करी भएको तथ्य सार्वजनिक गरेको छ ।