थाई गुम्बाको पर्खाल भत्किँदा पुरिएका ६ नाबालिकाहरुको उद्दार

काठमाडौं– दक्षिणकाली नगरपालिका–५ मा रहेको थाई गुम्बाको पर्खाल भत्किएको छ । पर्खाल भत्किएर पुरिएका ६ नाबालिकाहरुको उद्दार गरिएको काठमाडौं उपत्यका प्रहरी कार्यालय रानिपोखरीका एसएसपी तथा प्रवक्ता दिनेशराज मैनालीले बताए ।

दिउँसो ३ बजेर ५० मिनेटमा पर्खाल भत्किदा ६ जना नाबालिकाहरु पुरिएका थिए । तत्कालै इलाका प्रहरी कार्यालय फर्पिङबाट प्रहरी निरीक्षकको कमाण्डमा खटिएको टोलीले उनीहरुको उद्दार गरेको थियो ।

उद्धार गरिएका मध्ये ५ जनाको बल्खुस्थित बयोधा अस्पताल पठाइएको छ भने एक जनाको दक्षिणकालीकै मनमोहन अस्पतालमा उपचारका लागि पठाइएको छ ।