ललितपुर महानगरले हटायो नौ वटा सुकुम्बासीको टहरा

काठमाडौं– ललितपुर महानगरपालिकाले बालकुमारीबाट च्यासलसम्मको नदी किनारमा बनाएका सुकुमबासी बस्ति हटाएको छ ।

महानगरपालिकाको प्रहरी बलले आज बिहान नौ वटा घर टहरा भत्काइदिएको छ । सरकारी जग्गामा बनाइएका घर टहरा हटाउन ललितलपुर महानगरले गएको असार २१ गते नै सूचना दिइसकेको थियो । अटेरी गरेकाले आज भत्काइएको नगर प्रहरीले जनाएको छ ।

उनीहरू २० वर्षभन्दा लामो समयदेखि सरकारी जग्गा ओगटेर बसेका पनि प्रहरीले जनाएको छ ।