शिव परियारको ‘धोकेबाज’ गीत सार्वजनिक
काठमाडौं– गायक शिव परियारको स्वरमा नयाँ गीत ‘दुई दिनको मायाले मलाई रुवाउनु रुवायो’ अर्थात् ‘धोकेबाज’ सार्वजनिक भएको छ । बिहीबार काठमाडौंमा पत्रकार सम्मेलन गरी गीतको भिडियो सार्वजनिक गरिएको हो ।
गीतमा शिव परियारको साथै रविन लामिछानेको शब्द र युवराज मगरको संगीत छ । गीतलाई एचबीएन किस्मतले एरेन्ज गरेका हुन् । गीतमा मानकृष्ण महर्जनको छायांकन र बन्दे प्रसादको सम्पादन छ ।
गीतको भिडियोमा आश्मा विश्वकर्मा र ओबी रायमाझी फिचर्ड छन् । भिडियोको कोरियोग्राफर तथा निर्देशक रामजी लामिछाने हुन् ।
गायक परियारले यसपटक लोकफ्युजन शैलीको गीत ल्याएको बताएका छन् ।‘एउटा कलाकारले जीवनमा सबै शैलीको गीत गाउने चाहना राख्ने उनले बताए । उनले भने, ‘मैले पनि क्लासिकदेखि सुगम संगीत र लोकदेखि पप फ्युजनशैलीका गीतमा आफूलाई प्रस्तुत गर्ने कोसिस गरिरहेकै छु । यसपटक नयाँपुस्तालाई लक्षित गरी गीत र भिडियो केही नयाँ बनाउने प्रयास गरेका हौं ।’
हेर्नुहोस् भिडियो