माओवादी उपाध्यक्ष नारायणकाजी श्रेष्ठद्वारा वरिष्ठ संस्कृतिवीद् हरिराम जोशीको सम्मान

ललितपुर– नेकपा (माओवादी केन्द्र)उपाध्यक्ष नारायणकाजी श्रेष्ठले वरिष्ठ संस्कृतिवीद् हरिराम जोशीको सम्मान गरेका छन् । श्रेष्ठले शुक्रबार जोशीकै निवास मानभवन ललितपुरमा पुगी छलफल तथा सम्मान गरेका हुन् ।

मदन पुरस्कारबाट विभुषित जोशीसँथ उपाध्यक्ष श्रेष्ठ कला, संस्कृति, चाडपर्व, सभ्यता र त्यसभित्र मौलाउदै गएका विकृति अन्त्य गरी मुलुकलाई स्वनिर्भर बनाउने विषयमा अन्तरक्रिया गरेका छन् । अन्तरक्रियाका क्रममा जोशीले ‘हाम्रो भन्ने भावनामा ज्युन मन लाग्छ’ भावको कवितासमेत सुनाएका थिए ।

संस्कृतिवीद् जोशीले नेपालको प्राचिन अभिलेख, चण्डेश्वरी, नामाकरण विधि, सतीप्रथा, लोकगणतन्त्र अभिनव संस्कृति कोश, पञ्च पल्लव जस्ता कृति लेखेका छन् ।