काठमाडौं– हाम्रो टिम नेपालले पशुपतिको दर्शन गर्न जाने भक्तालुका लागि निःशुल्क पानी वितरण गरिरहेको छ । साउन महिनाभरको सोमबारमा हाम्रो टिम नेपालले निःशुल्क पिउने पानी उपलब्ध गर्ने भएको हो । सो काममा हाम्रो टिम नेपालसँग अनलाइन टिभि नेपालको समेत सहकार्य रहेको छ ।
साउनमा भगवान शिवको विशेष महिनाका रुपमा मनाइन्छ । सोमबार शिवको दिन भएकाले पशुपतिमा भक्तालुको घुइँचो लाग्नेगर्छ । सो समयमा भिडभाड हुने भएकाले उनीहरुको सुविधालाई खानेपानीको व्यवस्था गरेको आयोजकले जनाएको छ ।
हाम्रो टिम नेपालले मानिसहरुको ठूलो भेला भइरहेको स्थानमा निःशुल्क खानेपानीको व्यवस्था मिलाउँदै आएको छ । यसअघि क्रिकेट खेल भइरहेको समयमा त्रिभुवन अन्तर्राष्ट्रिय क्रिकेट रंगशालामा पुगेका क्रिकेट प्रेमी तथा शिक्षण आन्दोलनमा आन्दोलनरत शिक्षणहरुलाई समेत निःशुल्क खानेपानीको व्यवस्था मिलाएको थियो ।
प्रतिक्रिया