झाँझखोलामा तैरिरहेका अवस्थामा शव फेला

रौतहट– रौतहटको गरुडामा खोलामा शव तैरिरहेको अवस्थामा एक पुरुषको शव फेला परेको छ । गरुडा नगरपालिका–५ झाँझखोलामा करिब ५५ वर्षीय पुरुषको शव फेला परेको हो ।

खोलामा शव तैरिरहेको अवस्थामा स्थानीयले देखेपछि सुरक्षाकर्मीलाई खबर गरेका थिए । सशस्त्र प्रहरीको सुरक्षा बेस दुधियाभार र इलाका प्रहरी कार्यालय गरुडाको संयुक्त टोलीले उक्त शवलाई खोलाबाट बाहिर निकालेको छ ।

मृतकको पहिचान हुन सकेको छैन । घटनाका बारेमा अनुसन्धान भइरहेको प्रहरीले जनाएको छ ।