कोशी प्रदेश सरकारबाट बाहिरियो माओवादी, समर्थन भने फिर्ता नलिने
काठमाडौं– नेकपा माओवादी केन्द्रले केन्द्रदेखि प्रदेश सरकार सबैबाट हात धुने निश्चित् भएको छ । आज कोशी प्रदेश सरकारबाट बाहिरिएको माओवादीले अर्को साता सुदूरपश्चिम सरकारबाट पनि हात धुनुपर्ने निश्चित् छ ।
केन्द्रमा सत्ता गठबन्धन भत्किएर कांग्रेस र एमालेको सरकार बनेपछि यसको बाछिटा प्रदेश तहसम्म पुगेको छ । माओवादी केन्द्र कोशी प्रदेश सरकारबाट बाहिरिएपनि सरकारलाई दिएको समर्थन भने कायमै राखेको छ ।
सरकारमा सहभागी तीन मन्त्री र एक जना राज्यमन्त्रीले आज राजीनामा दिएका हुन् । माओवादीबाट गणेश उप्रेती, नारायबहादुर बुर्जामगर, राजेन्द्र कार्की र राज्यमन्त्री बन्दना झाँगर मन्त्रीको भूमिकामा थिए ।